لسة العينين
فيهم أسي
ومدمعين
لسة النفس
بتحاول تشده
سنين
حتي اللي راقد
بين ضلوهها،
حزين
عمال يهز ف جنابها
وأطرافها شمال
ويمين
لسة الصداع
شغال
بينخر ف الجمجمة
لسة الحياة
أدامها
ورقة مقلمة
حتي البيوت
راسمالها ناس
متألمة
وبرغم قسوة البركان
وبرغم
كل الخوف
ف عيونها لسة كلام
ف لسانها
نبض حروف
ساكنة وهادية
ومسلمة
شدي يا نوة
شوطي
فيها وعلمي
ارميها فوق الصخر
وسيبيها تفجره
اجزري ف كيانها
دوسي
خليها تغيره
وان يوم شوفتيها غرقت
نامي ومتقلقيش
دا البحر
شايل ليها
أسرار
متنتهيش
ومسيرها للشط ترجع
مبلولة ومتعلمة
ف عيونها
لمعة روح
صاحية ومتبسمة
صحيح الخوف
قاتلها
لكن جواها شيء
خلاها ف لحظة تهمس
"أنا مطمنة"
9 comments:
الله الله الله الله
رائع يا فاطمة بجد
احساس جاااااااااارف بجد
اسمحيلي أزعل منك
انتي ليه مش مهتمة ان الناس تخشلك كتير
شغلك راقي جدا
يستاهل يوصل للناس
سواء بالنشر او النت
ربنا يوفقك بجد
تحياتي
كلماتك جميلة
تعبيراتك رائعة
intissar1999.blogspot.com
بجد من حقك تطمنني
انت انسانة جميلة
والقصيدة حلوة جدا
تحياتي
آسف على الغياب
كل سنة وانتى طيبة
ورمضان كريم
((:
بنت الحياة
السلام عليكم
كلمات جميلة .. والوزن صحيح
إحساس القصيدة عالى يبدو أنك موهوبة حقا
سيسعدنى بالفعل العمل معك فلقد تم إختيارى كوسيط للشرق الأوسط فى مدونة مدونى العالم المتحد
التى نتشرف بأنك أحد أعضائها
تحياتى
السلام عليكم
جميلة جدًا ـ كالعادة ـ يا فاطمـة . . .
دمتِ بهذا الإبداع، والتألق ، ، ، ،
وخلينــا نشووفـــك
بنت الحياة
السلام عليكم ورحمة الله وبركاته
يصفتك عضو فى مدونة العالم المتحد
والتى يشرفنى أن أكون وسيط عن الشرق الأوسط فيها
أدعوكى للمشاركة معنا فى
تدوينة السلام
وهى عبارة عن تدوينة واحدة يكتبها كل المدونين المشاركين فى المدونة، تعبيرا منهم عن تصورهم عن السلام
ولكى تصبح بعد ذلك مرجعا وفكرة عامة تجمعنا جميعا
وكل ما هو مطلوب منك ، هو أن تكتبى سطرين يحتويان على تصورك عن السلام ، أو كيفية إحلاله ، أو أسباب عدم تواجده .. أو غير ذلك
المهم أن يضم تصور لك عن السلام
ثم تقومى بإرسالهم على الميل الخاص برئيس الإتحاد
شارم
وهو sharm_lover@hotmail.com
مع اسمك
واسم دولتك
واسم مدونتك
وتحياتى لكى على المشاركة معنا
إسلام
وسيط الشرق الأوسط
السلام عليكم
though I cannot understand Arabic but I am sure this is nice
القصيدو حلوة وكمان الصورة حلوة قوي
احيكي علي الأتنين
Post a Comment