اهداء خاص جدا
الي الشاعر العزيز
محمد عز الدين
******
بجد،
يا بخت اللي ألمه يلهمه
يحط بكل رقة
ف ايده ورقة تكلمه
وتعلمه
وف حضنها
يرسم ملامح
عرفها عمر وعرفته
وف كل خط تحسه ايده،
تعزف حكاية حب حلوة
تعشمه
تجري السطور
وتكعبله
تضحك عليه
تاخده لبعيد
وتشنكله
وف نص كلمة
أو بحرف
تهديه لطرف
يكمله
..
4 comments:
أنا مش عارف أقولك ايه بصراحة
يا فاطمة
بس بجد بجد بجد
انت شاعرة جميلة جنب صوتك العذب
أنا سعيد اني اتعرفت عليكي
في يوم من الأيام
واتمنى إننا نتقابل قريب
وحقيقي بشكرك على الإهداء الجميل
تحياتي
الله على كل كلمة انتى كتبتيها
الله على فكرة انتى رسمتيها
الله على مشعاعر جميلهة صنعتيها
رائــــــع
على فكرة دى اول مرة ادخل المدونة وانشاء الله مش هتكون الاخير
ربنا يوفقق
مع تحياتى
ياااه يا فاطمـة ، لمستي وتر مهم جدًا ،،،، و بيدور معايا ف كتابات كثيـر ، بس مش عارف ليه أنا حاسس إن مش يا بخته ، ولا حاجة !!
.
.
.
قصيدة جميـــلة أيضًا ... رغم ذلك
تحياتي :)
طبعا يا بختو يا إبراهيم
سؤال واحد!
حالة الألم بتكون هية هية قبل وبعد الكتابة؟
أكيد بعد حالة التطير الروحي، الأمور كلها بتختلف واللا إيه؟
Post a Comment