هو انا ليه
مابتكلمشي
لما بتسألني مالك
وكل ردي
بيكون سكوت
هو انا ليه
لما بتمشي
م بتعلمشي
اعيش عشاني
بدل ماموت
هوة انا ليه
ف كل لحظة
بتكون هناك
ب عيش معاك
أحلام خيالي
واللا انا ليه
مابشفش غيرك
بين ناس كتير
بتخاف عليه
وبتبكي حالي
أنا عارفة
ايوة انا بنت كلب
وفكل لحظة
بابكي فيها
مابستاهلشي
يكون لي قلب
أنا مش هدور عليه لأني
تعبت منه
وقرفت مني
وان كنت هفضل
كارهة قلبي
ساعتها عمري
ماهلاقي حب
عشان قلوب الناس هدية
من رب قادر يسلبها تاني
وان كنت ناوية افضل غبية
هاعيش عشانو مش عشاني
انا لازمن أصحي
وافوق لنفسي
أنساه وافكر فيه بس
وان شفته مرة
ونزلتلي دمعة
هامسحها وافرح
عشان بحس
5 comments:
حلو الكلام اوى ماشاء الله
حلوة البدايه وحلوة النهايه لمستى حته ماكونتش اعرف انها موجوده جوايا
ما بتعلمش
بغيره القلب ما بيحلمش
ينام الليل
و سهرانه فى هواه مابنامش
يروح و يغيب و ينسانى
و لما يجيلى من تانى
يسامحه القلب فى ثوانى
كانه ليالى ما اتألمش
.
.
و ليه
دايما بعديله
وراضى القلب بقليله
بياخد منى و اديله
و قلبى بحبى مابيبخلش
ما بتعلمش
.
.
و ليه
بتعدى أيامى
و تهرب منى قدامى
غرامه ده كل احلامى
و ليه احلامى ما بتكملش
مابتعلمش
" دى اغنية انغام "
بحبك اوى يافاطمة
انا هنا
دايما علشانك موجوده
نصف الإبداع في إحساس
يتشارك فيه المبدع مع القارئ
تحياتي على إبداع جميل
qppxdyأنا قالوص ، وأنتي ؟..... قوصرة أم عَـلة ؟
جميلة..
والجميل فيها انها صادقة.. وواقعية
مش مجرد كلام رومانسى بيتقال وخلاص..
بدايتها قوية وتشد..
حبيت تالت ورابع مقطع :)
بس حاسة ان الكلام الدارج يعنى قلل منها كمعنى وقيمة..
بس فاهمة انك كتبتيها زى مافكرتى فيها او حسيتى بيها ومرضتيش تزوقى الكلام
صح ولا ايه؟
جميل المعنى اللى فى "انا مش هدور عليه"
كمان الموسيقى لحد كبير منظومة حلو..
والعنوان حلو قوى.. مناسب للحالة :)
تحياتى..
Post a Comment