كان نفسي اكون سندريلا
أو الأميرة
ليها شاطر حسن
كان نفسي اطير لفوق واعيش
بجناح وريش
من غير ألم
لاكن ماليش نصيب أكون
غير حلم
شارخ ف السكون
ودمعة
ملحها ا الجنون
ملامحي بيها اتعطرت
وان جت ف ليلة
ومطرت
والوحدة بيه
اتأثرت
هاغني لية
ل سندريلا
كان ليها يوم
......
واتأخرت
8 comments:
ربما أنتى
أفضل من سندريلا
وأخواتها
ولا تدرين
عفوا
تتواضعين
Maged
I will ask Dr Sahar if she has a blog, which is sth that i am not sure of actually..
May be u would like to listen to her show on the radio every sunday 11pm on 94.5 FM
Anyways ..
You always cheer me up :)
Thax Dear ..
hello my dear
thank u 4 your traying to help me
i can speek en.very lebleb
but i am not good at writing it , if you do not mind i prefaire to write in arabic ok?
ماجد
أكيد ممكن تكتب عربي، بالمناسبة كل سنة وانت طيب :)
كل سنة وأنت أحلى بنت للنور
جمييل
فاطمة ايه العزف ده
بجد ناعمة اوى
ووجعها فى نعومتها
فكرتينى بجمله لفؤاد حدادكانت
براح مجروح بشقفة ازاز
حستتينى انك فعلا البراح اللى شقفة الازاز شرخته
على فكرة سندريللا ماكانتش مثال جيد
لو اخدتى بالك هتلاقى انها كانت متنازلة عن حقوقها
مش دى الصورة اللى احب اشوفك فيها
اه كان ليها امير بس هو اللى تعب و دور عليها و هى فضلت قاعدة حاطة ايدها على خدها
ما ننتظره يأتى دوماً متأخرا
و الأشياء تكتسب أهميتها بقدر انتظارنا لها
فاطمة
بجد عجبتنى اوى القصيدة دى
انا كتبت شخبطة عندى
اسمها انثى الانتظار
كنت بس مش عايزة احس انى مصديه فكتبت
ياريت تقرى و تبقى تقوليلى رأيك
علشان محبش اشوفك مستنيه ابدا
فاهمة
فى ملحوظتين واحدة ادبية وواحدة املائية
الأدبية
كان نفسي اكون سندريلا
أو الأميرة
ليها شاطر حسن
خليها
أو أميرة
من غير ألف و لام
____________
الإملائية
لاكن بتتكتب لكن
بس خلاص
Post a Comment