.JPG)
اهداء: الي اخر الفرسان
د. محمد سالم
حايل قلبك
طيب خاطرك
سامح نفسك
فكر أكتر فيك
غمض احلم
فتح .. افهم
لف الدنيا
شوفها
ف سحر عنيك
دي الدنيا
دي بتدوخ فينا
بتاخدنا بعيد
وتنسينا
أحلامنا
كانت ايه
بندمع نبكي
ونتألم
ونسافر علشان
نتعلم
وبنرجع نسأل ليه
أيوة هتنسي
كمان وتضيع
بس الشتا
مفروش لربيع
صدق ضحكه
راسمه عنيك
صاحب قلبك
اجري عليك
واعرف انك
مهما هتبعد
وحدك تقدر
توصل ليك
..
مش علشانهم
ولا علشاني
انسي كلامهم
انسي كلامي
بس ان شقت
مره فحضنك
دقات قلبك
سكة باسمك
اعرف انك
مهما هتبعد
وحدك تقدر
توصل ليك
5 comments:
جميلة أووووووييييي أوي
وموسيقاها رائعة
بجد انتي شاعرة
وأجمل حاجة عجبتني دي
صاحب قلبك
اجري عليك
واعرف انك
وحدك تقدر
توصل ليك
برافو
تحياتي
ايه ده
حلوة اوى
عندك انسيابية فى الاداء عاليه اوى يا فاطومتى
عجبتنى
علشان بحب النصوص اللى حلها بايد صاحبها
بس الصورة بقى ماحسيتهاش ينفع ؟
جميييلة قوووي يا فاطمـــة ، عاملة زي السهـل الممتنع .......زي شعـرك كلله !!!
ياللا بقى ، منتظـرين حفلتـك القادمـة ، وياريت بسسسرعة
تمنياتي بالتوفيق داائمًا
على فكرة أنا ف مدونتي برضه بطالب إن الإنسان يبقى معاه ، لذلك تلاقيني حريص على إني أؤكد للآخرين إن إبراهيم مش ف أي مكان ....
إبراهيم ..مــعـــايا !! يمكن أعرف أوصل لي ، وساعتها هبقى فرحان بيا قوي ! ، ولا إيه ؟؟؟
حلوة انك تكونى مؤمنة ان الابتسامة فيها حل لكل حاجة..
وده مبدئى فى الحياة . ربنا يخليلنا التفاؤل اللى احنا فيه.
وجميل الكلام.
رائع يا بنت الحياة
وطبعا دا رأي متذوقة فأنا لست ناقدة
الوزن الداخلي عالي الجودة يبرز الجهد في لملمة الكلمات ونحتها ولضمها مع الأخريات
اشارك المعلقين الاربعة الذين سبقوني على رقة التعبير وانسيابة الألفاظ
ليتك تتجاوزين نطاق المدونة في النشر
وفي حاجة تانية بخصوص الصورة المصاحبة للنص مكنتش ناوية اقولها تأدباً لكن " أنا حرة " تشاركني الرأي
سأضمك في باقة رفيقات ورفاق هيباتيا
Post a Comment