بنت النور

تتحامي فضهر عمود النور
والواد شايلاه مالحمي يفور
سابقت نهجانها علي الدكتور
قعدت تتهجي حروف الدور

*********
دي عيادة كئيبة غريبة مملة
مكتومة بشكل كأني فحلة
تليفزيون شغال .. واتعلي
سيدنا تمرجي عايز يتسلي

**********
أخيرا دورنا اوام اتحرك
شافه حكيمنا عليه واتفرج
ايه عملية؟ أكيد بتهرج
عرف الوالد، قام جه وطلق

**********
زمن الحب، انسي يا عمرو
رجالة اليوم رجالة بالأمر
دخان وسجاير، دقن وشعر
قهوة وقعدة تجيب الفقر

**********
حب دا ايه يا بنتي خلاص
عيشي حياتك وسط الناس
عقلك زينتك هوة الماس
والفستان ضاق ف الأنفاس

**********
يعنى مافيش فرسان وقصور
انتي الكنز وبنت الحور
ايدي الشمعة ويالا ندور
نملي الدنيا بحبة نور