..
لسة الرعشة ف ليلة شتا
بتدفيني
أجري، أشوفك تحت البيت
مستنيني
لسة بسمع صوتك
بتغنيلي
وتقربني
ل جنة بعيد
كل حلم حلمته
بيك كملته
بس صحيت
أنا عايزاك ترجع
وتقولي كلام
لسة ماقلتوش
وفنظرة عينك
احس بحب، عرفته
وماعرفتوش
دانا فبعادك
يصرخ قلبي فحضني
وما ب حسوش
قولي
لسة السما فعيونك زرقة؟
ولا خلاص دي بقت مش فارقة
صبحت كسرة
ف صوتي، تشكي
القسوة عليه
حتي الدمعه
اتحاشت، نامت
جوة عنيه
واديني عايشه
ماشيه اتخبط
ف الأغنيه
فاكرها؟
ناسيها
أكيد
كفاية عليه
اسمع صوتك
بتغنيلي
وتقربني
ل جنة بعيد
4 comments:
الحب من غير أمل
مالهوش
ثمن
ابقي أي كلام لو متفقتش معاك
..
سيبك يا بنتى من اللى بيقويكى على الرجالة .. لأ طبعا..بوسى إيديه عشان يحبك وهوه هيبوس إيدك عشان تحبيه واقضوها انتوا الاتنين شحاته بقى وريحونا..
قولي
لسة السما فعيونك زرقة؟
ولا خلاص دي بقت مش فارقة
الله الجزء ده خلى دماغى لفيت يابنتى
بحبك
مش قلتلك لو كنت ولد كنت اتجوزتك
اعمل ايه بقى
ادى الله و ادى حكمته
تعرفى انك اول بنت فى حياتى احس انى لو كنت ولد كنت اتجوزتها
ههههههههههههه
Post a Comment