فتحت
لمحت عنيك
وف موجها اتشق مكان
كان حضن
بدايته ايديك
ونهايته حدود الكون
وحكايته اتكتبت بيك
استني معايا شوية
استني
الله يخليك
انا لسة عندي قصيدة
شايلاها
فقلبك ليك
احلم من غير ماتغمض
اسبقني
وانا بعديك
طب سيب الليل يحدفنا
مطرح
مايوديك
استني معايا شوية
استني بقي
ماتمشيش
دالليل قدامنا حياه
وانا لسة
هابدأ اعيش
وهعدي لأول مرة
الدنيا
بصفين ريش
حساك بتداري
حساك بتداري
!إوعي
قلبك بيدق
!بسرعة؟
النور فعيونك وفا
كفا
وما بيخبيش
اه يا خوفي شمس الصبح
تطلع
وتقولي مفيش!!
وتقولي مفيش!!
استني معايا شوية
استني بقي
ماتمشيش!!
8 comments:
حلوة
بجد حلوة
تحياتي
يا اغلي فاطمة
كلامك دايما بيبخر روحي
مايحرمنيش منك يا عز!!
يا سمر
كفاية انك هنا!!
حضن كبير
جميل جميل جميل بجد
وممتع
تعبيرات كتير عجبتني وحبيتها جدا
فيها ابتكار ورقة عالية
من أول ما دخلت النص
اول سطر أصلا مدهش
حبيت الضلمة عشان
فتحت لمحت عنيك
جميل
:)))
الله
طيب بجد أقول ايه غير الله
تعرفي وأنا بقراها كنت سامعاها بتتغني
مزمز
الشاعر الأجمل الأجمل الأجمل بالفعل
شكرا علي رأيك الي دايما بيسعدني
ست الكمال كله
بجد يا كاميليا نفسي أقابلك قريب جدا
دمتم بهذا الدفء
معنديش اى تعليق غير انها جميلة جدا ...
جميلة زى كل اخواتها اللى قبليها ...
تحياتى :)
فاطمه
الله الله الله الله
عليكي
تسلم ايديكي
شكراااااا
Post a Comment