لو يعلي الخير عن طبقة زيف مزيف
كت ايد الهون اتمدت فوق تسقف
لو بات الخوف ف قلوب الناس رهيف
كان خط النور اللي من الشمس اتوقف
دا الخير والشر فينا
مهما نغمض عنينا
المد يمد
الجزر يهد
ويخلق أرض لينا
احكيلي حكاية حب تكون حقيقية
خليني أعرف أكمل باقي يومي
وان كت فراق خليلها ف بكرة بقية
يمكن ف الحلم أعرف أغسل همومي
سلملي علي احسان
وعلي وبنت الجيران
وان شفت صلاح
قله ان صباح
عايشة
وبتغني لينا
سلملي علي احسان
وعلي وبنت الجيران
وان شفت سعيد
قله ان العيد
عدي
عدي
ومسقلش فينا
خطي برجلك
ادهس ذنبك
يا ادم
واوهاك تحلم بجناح يحميك ماللوم
مهما تكسر بضلوعك
شر العالم
اوعي تصدق ان انت بقيت معصوم
دا الخير والشر فينا
مهما نغمض عنينا
المد يمد
الجزر يهد
ويخلق أرض لينا
مهما نغمض عنينا
المد يمد
الجزر يهد
ويخلق أرض لينا
9 comments:
اسلوبك عجيب
ومن وقت مقرتش كلام شبه نفسه كده
بتقولى حكمتك شكل حقيقى حلو
كت ايد الهون اتمدت فوق تسقف
انابس ف النص التانى اتكعبلت ف وزن وقافيه مش مظبوطين من عدن احكى لى حكايه
غير كده
عن جد قديمه وجديده
وحلوة
allah ya fatma
love it so much,it is the best of ur writing
دى اول زيارة ومش هتكون الاخيرة ابدا
انتى شاعرة جميلة قوى
وكتاباتك حلوة بجد
ياااه
من زمان معدتش هنا
تسلم إيدك كلام حلو
تحياتى
(:
يا بنت الإيه
أصدى يا بنت الحياه
مش عارف هوه الشعر حلو كده من زمان وللا انتى اللى خليتيه حلو ؟
يااااااااااه ،،، إزيك يا فاطمــة ... والله إلك وحشــة يا فتـاة ....
و أخبارك إيه ، وكده ؟؟ ...
.
.
أحب أقول لك إن نصوصـك على طووول بتعجبني جدًا بس ده فيه حاجة جديدة ، وفكرة جديدة عليكي شوية ...
بس حلووو قوي برضو
لو بات الخوف ف قلوب الناس رهيف
كان خط النور اللي من الشمس اتوقف
دا الخير والشر فينا
مهما نغمض عنينا
تحياتي ... وابقي اظهري .. خليها تنور
جميل رقيق بسيط
بس أكتر بوست عجبني بجد
ولميت البيت كله قعدت أقراهلهم
أصل احنا عيلة بتحب الشعر
قلب صغنن ده معدي
تحياتي يافندم
وآسف إني جيت متأخر
اسمحيلي أستأذنك
أضيف اللينك بتاعك عندي
وعايزك لو فاضية تقري الشعر بتاعي
Hello, I came across your blog...a very interesting one...
I am a little curious to know why you mention Dr. Mursi as a person that changed your life
best
m.zaki
Post a Comment