خايفة أحاول أعيش ماعرفش
خايفة أخش أنام ماحلمش
خايفة ان نمت ف ليلة أفتح
عيني ف يوم وماشفش الشمس
خايفة أحب الشاب الأسمر
واسمع دقات قلبي الأخضر
واما أقوله اني باحبه
يروح ويسبني ومايرجعش
سيبك بقي مالخوف واتمني
عيشي العمر بلاش تستني
خوفك، يأسك، ضعفك، حزنك
دمعك، همك مابينفعش
حاولي تحبي البنت الأول
داوي جروحها مهما تطول
سيبك ماللي تنادي عليه
ويروح وكأنه مابيسمعش
فكرك ممكن بكرة أكون
ناجحة وافرح بية الكون
أسعد كل الناس وأحس
ب فرحة ف قلبي ماتتعوضش؟
طبعا، طبعا د انتي الدنيا
بس عشانك صبحت دنيا
بس انتي انوي واوعي الخوف
دا بياخد تحت و ما بيرفعش
أيوة هحاول اعيش وهاكون
ناجحة وافرح بية الكون
هاجري واسابق عمري واصالح
قلب صغنن ما بيكبرش
4 comments:
hi girl
i love that spirt
keep it that way
u have a pure and a stronge heart dont ever forget or give a way that.
u already know but to remind u, i love ya
أيوة هحاول اعيش وهاكون
ناجحة وافرح بية الكون
هاجري واسابق عمري واصالح
قلب صغنن ما بيكبرش
<<<<<<<<<<<<<<<<
الجميـلة دااائمًا فاطمــة ... وكأننا ننتظـر الأمـل في كلماتـك ....
حلوة قووووي ، و معبرة جــدًا ، زي كل شعرك أعتقد ، تحيااتي
الله
حلو اوى الحوار ده
روحك الحقيقية و مراية الروح اللى دنيا بتاخدها فى دوامه
طول عمرى بحب ان الانسان يكون اتنين او اكتر بس لازم حد منهم يكون فعلا قوى و ياخد بايد باقى الشخصيات اللى جواه
ماتخافيش
هتوصلى
متعمليش نفسك مش عارفة
عليكى أن تصدقى
Post a Comment